yayna' chavlu'pu'.
DaH QonoS vIqon: tInqu' Qapla'.
jIyon jIja'DI' bo'DaghHom vIlo'bej.

'evnagh lojmIt QeD.
ta' wIta'nIS wIta'laHmo'.
Hoch luDo'moH ta'maj 'ach
Heghpu'wI' Do'moHbe'ba'.

'ach DuSaQnISmoHbe' Hoch chavqoqlIj qab.
bInIDnISlaw'taH neH lojchoHpa' chab.
vaj qaS QeD DabuSbogh
'ej HIch Dunqu' Da'ogh
'ej tlho'laH SuqwI'pu'.
'ej yIntaH.

SoHmo' jIQeHbe'.
DaH jI'Ilchu'. SoH qapIchQo'.
parmaqwIj DanuSpu' 'ej choHoHta'.

'ay'Du'wIj DawItlhta'.
ghIq qulDaq Hoch 'ay'wIj DajaD.
meQtaHvIS jI'oy'. jIbech.
jI'oy' choQuchqu'moHmo'!

DaH tay'DI' De'Hommeyvam, 'ang'egh tlhegh 'IH.
Dorpu' ngongmeH poH 'ej pel'aQ ghorpa' wIlIH.
vaj vImeQlu'mo' jIbel.
De' DIghojpu'bogh tIqel.
tlho'laH ghojpu'wI'pu'.
'ej yIntaH.

vaj HItlheD. yIruchta'!
qoDDaq jIratlh 'e' vImaSlaw'.
chaq nIboQqangbogh latlhpu' DaSamlaH.

chaq DuboQ «raSHuD qIj».
jIqIDtaH neH. jIHagh. DuHqoq.
toH, Dun chabvam 'e' vImaq.
'eyqu' 'ej mumwI' yonmoH.

va, jIjatlhtaHqu' 'uttaHvIS QeD vIbuSbogh.
Hur vIqelDI' SoH jIHbe'mo' Do'wIj vItogh.
ngongmey law' vIchernIS,
nuvpu' vIQuStaHvIS.
tlho'laH nuvpu'vam.
chaq yIntaH.

'ej jIH choHarlaHbej: jIyIntaH.
QeD vIta'bejlI' 'ej jIyIntaH.
pe'vIl jIQuchchu' jIH 'ej jIyIntaH.
'ej bIHeghtaHvIS SoH, jIyIntaH.
'ej bIHeghpu'DI', toH jIyIntaH.

jIyIntaH.

jIyIntaH.