ben law'qu' qaS wanI'. 
mumonmoH QoQvetlh 'e' 
vIqawlaH 'ej not 'e' vIlIjlaH. 
'eb vISuqchugh 'eb vIjonbej. 
vaj nuvpu'vetlh vImI'moH 'ej 
chaq qaStaHvIS repmey puS QuchlaH chaH. 

'ach mubIrqu'moH 'ISjaH jar cha'. 
latlhvaD Hoch De' nav vIHIjta'. 
juHDaq De' qab tu'lu'. 
jIyItchoHlaHbe'pu'. 

Heghpu'wI' be'nal vIqelDI' 
jISaQ'a'? jIqawlaHbe', 'IjwI'. 
'ach muDuQchu' jejbogh nanwI' 
Heghpu' QoQ net SovDI'. 

SuH, DoH, DoH, quvbogh Qo'noS chab joH 
leSpoHDaq DujHom vIlIghta' 'ach QaDchu'taH leSpoH 
romuluS HIq wornagh je tlhutlhlI' loD yoH 
'ej jatlhlI' Heghlu'meH QaQ jajvam HIHoH 
Heghlu'meH QaQ jajvam HIHoH 

parmaq paq Daqonta' SoH qar'a' 
QI'tu' joH'a' Davoqchu''a' 
teHbej Duja'mo' neH paq'a' 

ghe'naQ nItHa' lajrup'a' woQ 
qa'lIj jubbe' choqlaH'a' QoQ 
'ej QIt jImI'meH mIw vIghojmeH 'eH HIboQ 

toH ghaH DaSaHchu' 'e' vItemQo' 
vaSDaq SumI'lI' 'e' vIleghmo' 
waqmeyraj boteq tlhIH 
'eybej ghe'naQ nItHa'qu' 'IH 

tlhoS jInenchoHpu' 'ej nIteb jaghwI' vIghIj 
mI'wI' Degh vItuQ 'ej lupwI'Duj vIchIj 
'ach Do'Ha'choH ghu' 'e' vIQIj 
Heghpu' QoQ net SovDI' 

DoH, DoH, quvbogh Qo'noS chab joH 
leSpoHDaq DujHom vIlIghta' 'ach QaDchu'taH leSpoH 
romuluS HIq wornagh je tlhutlhlI' loD yoH 
'ej jatlhlI' Heghlu'meH QaQ jajvam HIHoH 
Heghlu'meH QaQ jajvam HIHoH