wovqu' yan 'ej chuS 'obmaQ,
  boch 'ej jej nuHmeymaj vaQ.
  'utlhpu'ma' Qan yoDmaj nIv,
  jeghmeH taHqeq DaH DIHIv.
  taghmeH may' pe'vIl maDuv,
  puH wIpolmeH reH maSuv.
  gheb wIrIl 'ej majachtaH,
  novvam 'ar DIHeghmoHlaH!

  ra'DI' la' mavang, maruch,
  nom maH tlhopvo' Haw'jaj nuch.
  Qu'maj HoS wIbuSqu'nIS,
  SuvwI' maH maQamtaHvIS.
  bep porghmaj 'ej nogh yabDu',
  'oy' wISIQ, mabechrupchu'.
  nujuSlaHbe' Ha'DIbaH,
  novvam 'ar DIHeghmoHlaH!

  banglI' puqlI' je tIQan,
  ghe'torDaq chegh wutlhqo'ngan
  'e' wIraDmeH mavang maH.
  maHmo' veS lughojchu' chaH.
  nachmaj yoDmaj je DIlo',
  Heghpa' novpu' mabupQo'.
  chalDaq joqwI' wIpeptaH,
  novvam 'ar DIHeghmoHlaH!

  nargh jajlo' vaj vIHtaH gho,
  'In wIpabtaH 'e' ra' po.
  noH wIQapmeH Devchu' He,
  tay'taHvIS tIq yab qa' je.
  taghmeH may' pe'vIl maDuv,
  puH wIpolmeH reH maSuv.
  gheb wIrIl 'ej majachtaH,
  novvam 'ar DIHeghmoHlaH!