naghyor tIQ vIDabqa' DaH vIneH
maHnelej HuDmeyDaq 'oH
naghyorDaq muD lam tu'be'lu'bej
pa' pagh DaDIlbe' SoH

naghyorDaq wa' ram be'na' vIghaj
bID mIl'oD, bID vIghro' je ghaH
chemvaH qu' Da 'ach 'awje' rur wuSDaj
ghaH vIqawmeH jInajtaH

naghyor, jIHvaD juH SoH.
juHoywIj SoHbej
QaQchu' naghyor quv.
naghyor maHnelej,
naghyor maHnelej,

wa' jaj naghyor lutoS cha' novpu'
HIq lIngwI' Hat lunej
naghyorvo' cheghpu'be' cha' novpu'
not chegh chaH net pIHbej

naghyorDaq yInlaHbe' loSpev chIS
nagh 'Iq ngaSba'mo' yotlh
vaj balmeyvo' loSpev lutlhuthnIS
naghyor nganpu' motlh

naghyor, jIHvaD juH SoH
juHoywIj SoHbej
QaQchu' naghyor quv
naghyor maHnelej
naghyor maHnelej

qaStaHvIS DIS law' veng tIn vIDab
vIweghlu', mo'Daq targh vIrur
Qatlhmo' yIn jIbech jIbep jISab
va, napqa'jaj yIn Hur

naghyor, jIHvaD juH SoH
juHoywIj SoHbej
QaQchu' naghyor quv
naghyor maHnelej
naghyor maHnelej