|
neHmaH ngIvtaH tlharghDuj mach
DujHomvetlh ra' HoD Qup logh Hop ghIghDaj wa'DIch 'oH
tlhIbbe' 'ach pupbe' Dup 'ampaSDaq qeqchu'ta' ghaH
qaD lajchu' 'ej not bup yaS mojDI'
naD ghojmoHwI'
'ej qeSvam qaw 'e' chup
chu' HoDvam chu' je beqDaj
nIvbe' 'ach Qu' luSov beq voqchu'meH lajqang HoD
DublI' chaH 'ach wej pov ra'DI' HoD reH Hoch SeHqu'
'ej not mIwvam QIv ghov 'arghlaH ghu'
lI'be' net tu'
vaj Qugh lupIHlaw' Hov
He nabnISDI' chIjwI''e'
He lo'bogh wIv HoD HoS nIteb Qub chIjwI' 'e' chaw'be'
vang chIjwI' not 'e' loS ghoch wIvta'bogh ghoS neHDI'
jatlhlaHbe' waw' jav ghoS chut pIm pab
jatlh He chu' nab:
wa' wa' wa' DoD wa' loS
Duj 'orlaH Hoch HoD net Sov
patlh bajmeH Sovvam qon qoq jIv Da DeghwI' 'e' qap HoD
leQ lugh 'angtaHvIS mon SeHlaw' luruQbe' HoD nItlhDu'
DeghwI''e' SeHmo' yon. lolmeH ghaH
jatlhbe' loltaH
jatlh Der 'ej tor 'ej ron.
Qu'vaD po'qu' baHwI' Dun
'ach laHDaj lo' net tuch nom ghoj baHwI', pabnISbej
vaj ra'lu'DI' neH ruch qoq jIv Da je ghaH Do'Ha'
nIteb QublaHbe' luch rap Hoch beq,
meHvo' loj meq
vaj not qech chu' lumuch.
qaS wa'maH cha' pemmey. qaS
wa'maH cha' rammey QIv. Dalbej Qu' 'ach tugh Dublu'
tagha' nargh qaDna' nIv. chol jagh Duj SIbI' ghum HoD
SeymoHchu' may 'e' tIv. peghuHqu'!
So'wI' yIchu'!
nom pe'vIl chaH DIHIv!
vaj jagh tlha'meH He wIv HoD
'ej vaQba' ra'DI' ghaH. chIjwI' ja', DeghwI' je ra',
'ej Hechaj lIS chuyDaH. baHwI'vaD jatlhchoH HoD jeQ
maj, wej nuleghpu' chaH nuH wIy cha'!
So'wI' chu'Ha'!
cha yIbaH! -- DaH!
baH baHwI' ghIq qaSlaw' pagh
Qapbe'taH cha, baQa'! Duj leghlu' 'ej QobchoH ghu'
DaH Duj HIvlaH jaghla' bach jagh pu' botjan Sangchu'
'ej jachtaH Hoch ghuy'cha' meQtaHvIS
chenHa'taHvIS
HoD Duj mu'mey Qoyqa'
ghIlab ghew tIqIm!
qech rap 'oSlaH mu' pIm
SIjchu' 'aqnaw
vIttlhegh yIqaw
lo'laHbe' chetvI' chim
|
bommey >