'eH Hoch nuv'e' DaqIHlaHbogh... 'eH Hoch Daq'e' DaghoSlaHbogh... 'eH Hoch Doch'e' Da'anglaHbogh... DIp 'oH net Sov. mu' Segh le' 'oH DIp'e' qaja'. vay' pong DaQoypu'bogh 'oHba'. Dajbej ghu'vam 'e' vItenlaHbe': nuv Daq Doch ghap 'oH Hoch DIp'e'. SuH: jIlma' ghaH targh ghajbogh be' qan'e'. qorDu'wIj SujtaHmeH targh ra' be'. targh wIje'. Hom tIn wInob. be''e' SujchoH vaj mamob. jIlma' ghaH targh ghajbogh be' qan'e'. 'eH Hoch nuv'e' DaqIHlaHbogh...(chovnatlhmey: loDnI', be') 'eH Hoch Daq'e' DaghoSlaHbogh...(chovnatlhmey: juH, He) 'eH Hoch Doch'e' Da'anglaHbogh...(chovnatlhmey: targh, Hom) DIp 'oH net Sov. DIp 'oH net Sov. SuH: veng HopDaq jIlengmeH Duj vItIj. pa' not Ha'DIbaH tI je vIlIj. Duj tlha' HejwI' 'e' vIlegh vaj juHwIjDaq SIbI' jIchegh. veng HopDaq jIlengmeH Duj vItIj. 'eH Hoch nuv'e' DaqIHlaHbogh...(chovnatlhmey: HejwI', HoD) 'eH Hoch Daq'e' DaghoSlaHbogh...(chovnatlhmey: veng, Hatlh) 'eH Hoch Doch'e' Da'anglaHbogh...(chovnatlhmey: Duj, naH) DIp 'oH net Sov. DIp 'oH net Sov. SuH: tlhab be' HewDaq lupDujHom vIlIgh. jIpawpa' muloSlI' jupwI' rIgh (ghaH 'eqmoHpu' qIgh). Hew wItoS. leghmeH maSal. tujbej muD 'ach peDchoH chal. tlhab be' HewDaq lupDujHom vIlIgh. 'eH Hoch nuv'e' DaqIHlaHbogh...(chovnatlhmey: jup, DeghwI') 'eH Hoch Daq'e' DaghoSlaHbogh...(chovnatlhmey: Hew, yoS) 'eH Hoch Doch'e' Da'anglaHbogh...(chovnatlhmey: lupDujHom, chuch) DIp 'oH net Sov. DIp 'oH net Sov. SuH: tach QoQ ta janDaq DarSeq vIlan. 'eybej bommey'e' muchtaHbogh jan. ghe'naQ nIt, ghe'naQ ghoQ je vIQoytaHvIS ramqu' latlh He. tach QoQ ta janDaq DarSeq vIlan. 'eH Hoch nuv'e' DaqIHlaHbogh...(chovnatlhmey: muchwI', chom) 'eH Hoch Daq'e' DaghoSlaHbogh...(chovnatlhmey: tach, rav) 'eH Hoch Doch'e' Da'anglaHbogh...(chovnatlhmey: DarSeq, jan) DIp 'oH net Sov. mu' Segh le' 'oH DIp'e' qaja'. vay' pong DaQoypu'bogh 'oHba'. Dajbej ghu'vam 'e' vItenlaHbe': nuv Daq Doch ghap 'oH Hoch DIp'e'. toH, nuv Daq Doch ghap 'oH Hoch DIp'e'. |
bommey >